Mohammed Al-Rashed

 

..... وحدة المستقبل ..... 

 

من شعري السياسي الفكاهي

 

 

 

وحدة المستقبل هنا ....هي ببيتكم و بيتنا .... و اذا صووت لنا .... منصبك جاهز عندنا

 

 

 

اهدافنا كلها منكم .... و اللي عندنا بجيوبكم .... لا تفكر وش لكم .... بنعطيكم رقم حسابنا

 

 

 

قائمتنا ترى خليط .... بين رزين و عبيط ..... ملتزم و فريط .... هذا نتاج بلادنا

 

 

 

حلمك يتحقق لو خطير ..... لا يهمك راح يصير ......  بعضو كان أو وزير ...... بتنزاح همومنا

 

 

 

لك بنايه بالحرير .... غني كنت او فقير ..... لا تحاتي القسط المرير .... هذه منحه مننا

 

 

 

لك معاش منا غير .... 1800 لا ما يصير.... فوق الثلاثه بيطير .... و أصواتكم فخر لنا

 

 

 

انشطتنا شي غير ... ما لها بالسوق نظير .... اختلاط محافظ يسير ....  بالغربه لابد منها

 

 

 

اختلاطنا بحدود .... ان كنت اخت او Dude ..... الاحترام بيكون موجود .... اخواتكم اخواتنا

 

 

 

 

ماكو بلوك عجامعاتكم ..... و الاونلاين مسموح لكم .... حتى الكوليجات بيدكم .... و التحويل سهل عندنا

 

 

 

لك تذكرتين بالسنه ..... ان كانت منهم او مننا .... اهلك بيدعون لنا ..... فرحتكم هي سرورنا

 

 

 

لك شهادة شكر وتقدير .... كل سيميستر لو يصير ..... باسم محمد او عبير .... تفوقكم وسام عصدورنا

 

 

 

لا تصوت للكبير ..... العمر ماهو النذير .... و تراك منت صغير .... انت تاج على روسنا

 

 

 

لا تقول انا غشيم .... و بالانتخابات ماني فهيم ..... اقسم بربي العليم .... انكم رجالنا

 

 

 

بالنهايه و الأخير ..... انتم مصباحنا المنير .... و قائمتنا بسواعدكم تصير .... حتى لو مو هالسنه

 

 

 

 

 

والله من وراء القصد 

 

القصيده ليست موجهه او داعمه لقائمه معينه انما هي شعر شخصي لقائمه وهميه

 

 

 

محمد الراشد

 

11-09-2006