بسم الله الرحمن الرحيم
على قولة احد المقربين صج الأيام تركض ... قبل يومين قاعد اتصفح الانترنت الا يمر على بالي هالموقع اللي مر عليه سنتين تقريبا ..سنتين من الصراحة المتناهية و الوضوح لكن للأسف و بسبب مشاغل الحياة و الدراسة التهينا عن موقع له كثير من الذكريات كونه يحمل بين ثناياه ذكريات و نغمات تطرب لها القلوب قبل الآذان .
فحبيت اعيد الحياة لهذا الموقع بهالمقالة و كالعادة لا يكتب قلمي الا من شدة الالم و الحسرة و هذا شي طبيعي بالانسان لان الخطأ هو اللي يأجج المشاعر و يخليها تتحرك .
يعجبني اللي يطلب منك شغلة و تقولة سمعا وطاعة احتراما و حبا له و من ثم يفاجأك بتكسير مياديفك
يعجبني اللي تضيع وقتك و تنزل راسك لفلان و علان عشانه و بعدين يكسر بيضه على راسك
يعجبني اللي تدفع له فلوس و تخدمه و تكرمه و هو بالاخر يبيعك عشان يكسب غيرك
يعجبني اللي وصلته القمة بعد ماكان ( *** ) يتركك دون حتى كلمة شكر
فلك مني هالأبيات و كتبتها مو عشانك و لكن عشان غيرك يتعلم "بالمستقبل"
ياللي توسطت القلب سنين و شهور....ما عاد لك فيه مرقد و لو ساعة
مرقدك قبرك انحفر بين القبور .... حفرته اييدك بعنجهية ووضاعة
بعد ما كنت بسما بري صقر الطيور .... وكلتك بيدي العزه و شربتك وداعة
وكنت في بحري بين السمك يريور ... يريور ما ينصاد بخبث و مناعة
بخدمتك شعرت بفرح و سرور .... عليتك فوق ربعي و كل الجماعة
كل ما طلبتني شي قلتلك تم وعليه مقدور .... تقدير و احترام و كلي قناعة
قناعة انك مستقبل واعد ومنصور .... و على هالأساس دومي سمعا و طاعة
ما اعترضت عليك يوم رغم القصور .... دومي التمس لك العذر و الشفاعة
شفاعة شفعتلك على مد العصور ... و لكنها انتهت و حكموا يا جماعة
بعد ما دليته تركني بين البحور ... اتخبط بأمواج القهر و الخناعة
تراني مثل ما مدحتك بعشرة سطور .... بأهجوك ببيتين وكلي شجاعة
ياللي بنفسك ثلاث سنين عشت مبهور .... لا تتمادى على ربعك بسبب اشاعة
تراني اقدر أرجعك للقفص عصفور .... بعد ما خليتك صقر بين الطيورالشجاعة
محمد الراشد
مايو 2007