مشرط الحب
حبيبي طمني شخبار قلبك .... عساه ما فارق أفراحه
قلبي دايمن يشقى و يتعب ... وقلوب الناس بصدورها مرتاحه
تذكر سوالفنا أيام صداقتنا ... بذاك الركن بأخر الساحه
يوم عيني ما تنزل عن عينك ... وعيون الحب دايما فضاحه
يوم أحط كفي على أيدينك... تسحبها بسرعه وتقول عدال بالراحه
تاخذني بعيد لمسة أيدينك .... بعيد عن أنظار ناس شفاحه
تقولي محمد امسك نفسك ... ترى نفسك متسرعه و جماحه
مع الأيام كبرت قصة حبنا ... و بنفس الوقت زادت غيره و مناحه
و باشاعه اختفيت عن أنظاري... يعني الثقه ما كان لها بقلبك مساحه
ليش تركتني يا كاتم أسراري... مع ناس قلة أدب و بالسر بواحه
آآآه وينك يا بلسم فؤادي .... يا من كنت تداوي قلبي من جراحه
يا ياسمينه القاصي و الداني... يا جوريه حلوه و فواحه
يقولون ان خسرتك بأسباب غلطاتي ... فآدم خسر جنه بسبب تفاحه
سنين مضت من مفارق عينك... من ساعتها نسيت شنهي الراحه
المشكله إني عطيتك روح مأسورة ... داخل قلبن كله سماحه
طلبتك رجعلي قلبي ... و إن ما قدرت فأرجوك أطلق سراحه
ما تعبت تسمعه يصرخ و يبكي... يكفي خلاص ما مليت من نواحه
بعد ما كنت له المشرط الشافي ... صرت بيدك تمليه جروح سفاحه
سنين خلاص مليت يا من كنت حبي... سو خير و نسيه أتراحه
يمكن تعتبرني قسيت عليك ... بحدة كلمات فيها وقاحه
لأني للحين أحبك... بس مابي أنجرح من ثاني و آسف عالصراحه
محمد الراشد
يونيو 2009